جون موتتو
جوبا جنوب السودان

طموحه بيقتله زى كل اللى فى سنه و مش لاقيين الفرصه

الــــــــ 70 ــــــات و ثورات الشباب فى كل مكان

لازم الاقى حل

لازم اسافر و انجح

بس ازاى

الفكره بدأت تتكون فى دماغه ببطء

و بعد شهرين كان عرف هيعمل ايه بالظبط

بالليل و اهله نايمين هيخرج من البيت

و هيحاول يوصل مصر بأى طريقه

و من مصر لأوروبا

الاحلام بقت وردى

المواصلات هتكون النيل

وليه لأ ... النيل هيوصلنى لحدود مصر و من هناك اتصرف و ادخل

مركب صغيره فى النيل طالعه ناحيه الشمال

راكبها كان جون موتتو

اللى مكانش عارفه الشاب الطايش انه فى الصيف

و ده معاد الفيضان الجاى من اثيوبيا

الفيضان

الامواج

التماسيح

نجى بأعجوبه

الضفه الغربيه من النيل

مش هتراجع

المياه موجوده و الاكل يتدبر و النوم فى اى حته

لازم اكمل رحلتى للاحلام

الاماكن بتتغير كل يوم عن اللى قبله

اللغات الامهريه و لغات القبائل

السافانا

الاسود

دلوقتى اللغه العربيه

الصحرا

الجمال

انت بتقرب يا جون من حلمك

اسهل طريق للوصول هو المشى مع النيل

لكن انا ممكن اختصر اكتر لو ....

الميه والاكل معايا يكفونى ايام

هخترق الصحرا

الصحرا الكبرى

الطريق طول قوى

بقالى اكتر من 14 يوم ماشى

الحقيقه اننى تايه من 10 ايام

الليل فى الصحرا الكبرى مختلف

السواد

اصوات الديابه

البرد

انا مش قادر

ميٌتى خلصت من ايام مش فاكرها

لكن انا بامشى

بامشى ....

بامــــــ ....

النيل من تانى

انا هوصل

بعد المعجزه دى يبقى لازم اوصل

وادى حلفا

الجنادل

البحيره

هنا حدود مصر

كانت خطتى اننى اعدى مع تجار الجمال النوبيين لمصر

لكن ده هيأخرنى 3 شهورلموسم تجارتهم

لأ

مش هستنى

هعدى الحدود مع الصيادين

لتانى مره اسرق مركب صغيره

مشيت كتير فى بحيره ناصر

الدنيا ليل و الضلمه شديده

التماسيح فى كل مكان

فى نور من مكان بعيد

اكيد ده معسكر الحدود المصرى

انا لازم اسيب المركب و اعدى المنطقه دى باليل و بسرعه

من تانى المشى فى الصحرا و ....

- اقف عندك

اكيد ده جندى مراقبه

انا بجرى باقصى ما اقدر

لكن ضربات الكرباج اللى معاه كانت قويه قوى

الحقيقه ان دى اخر لحظات وعيى او ممكن تكون اخـر لحظـ ....

انا فقت من تانى

المكان اللى انا فيه اوضه

معايا واحد تانى نايم على الارض جنبى

فضلنا فى المكان ده ساعات

راجل عسكرى بيتكلم مع بيجومبى

بيجومبى من قبيله اتشولى فى اوجنده .... قريبين جدا من جوبا

عاش كتير فى الشمال و اتعلم العربى فى المدرسه

ملخص معرفتنا السريعه

الشرطى بيزعق فى بيجومبى و بيجومبى فعلا متوتر

التحقيق

التعذيب

ااااااااه

حققوا معانا 4 اسابيع لحد ما اتأكدوا اننا مش مهربين

انا كنت عامل حساب الورطه دى

القانون الدولى بيقول انهم هيسلمونا لسفارتنا او مندوبها

خايف ليه يا بيجومبى ؟؟

اكيد فى حاجه غلط

سألته و عرفت هو متوتر ليه

مش هيتبعوا القانون و هيسيبونا فى مكان بعد الحدود المصريه

خايف ليه يا بيجومبى ؟؟

من تانى مش فاهم خوفه من ايه

التعذيب انتهى ... يبقى خايف من ايه ؟؟

عربيه اخدتنا و جنود الحراسه رمونا بعد الحدود المصريه فى الصحرا

عرفت ليه بيجومبى خايف

عرفت مع صوت اول ديب سمعته بيشق الليل

قطعان الديابه

التماسيح

الصحرا

بيجومبى اتجنن

ايوه اتجنن فعلا

مقدرش يستحمل اكتر و طلع يجرى و هو بيصرخ

لكن انا مش زيه

رجعت لوحدى تانى

اول نهار يعدى عليا فى الصحرا لوحدى مش عارف اعمل ايه

حلمى و طموحى ؟؟

....... !!

الغروب

انا شايف حاجه فى الارض

كنت متوقع انى هلاقى حاجه زى كده

راس بيجومبى و اجزاء من رجله

كنت متوقع

انا بعيش اخر لحظات حياتى

لازم اوصل لمكان امان

بجرى فى الصحرا فى وسط الليل

فين ؟؟ ..... معرفش

الفجر بدأ يظهر

المهم اهرب قبل ما ....

صوت ديب

المره دى قريب

قريب قوى

شفته

الليل لسه السيد لكن شفت القطيع

مفيش داعى للهروب

هستنى و اعيش اخر لحظاتى فى هدوء

الصحرا

راس بيجومبى

القطيع

القطيع بيقرب

انا شاكك انـــــ ....

القطيع بيهرب ؟؟

النور ظهر اكتر شويه و اتأكدت

القطيع اختفى

لكن ليه ؟؟

ثانيه واحده

انا شايف شىء جاى من بعيد و ضله طويل قدامه

انا هعيـــــــــــــــــــــش

الضل بيقرب اكتر

اتمنى يكون معاه ميه لأننى هموت من العطش

مد شويه يا اخى

اهه بيقرب

ثانيه واحده

مين ده ؟؟

ايه ده ؟؟

لأ ...

دلوقتى عرفت القطيع هرب ليه

انا لازم اهرب و .....

الفجر

راس بيجومبى

راس جون موتتو

حاجات مبقالهاش فايده تانى بعد كده